2006年5月20日，剪纸艺术遗产经..批准列入第一批国家级非物质文化遗产名录 。2009年9月28日至10月2日举行嘅联合国教科文组织保护非物质文化遗产政府间..第四次会议上，中国申报嘅中国剪纸项目入选“人类非物质文化遗产代表作名录” 。
佛山剪纸据说源自中原，结合当地民俗风情及手工业、商业发展起身，一直到清代慢慢咁成行成市，仲出现埋行会组织。20世纪初，同佛山剪纸有关嘅门钱、童话、符疏衣纸、溪纸、金花、磨花纸、蘸料纸、打铜、铜箔、朱砂年红染纸、花红染纸、染色纸等12行都得到咗蓬勃发展。而佢地生产嘅蘸料纸、各色染纸就系佛山剪纸嘅材料来源啦。
佛山剪纸嘅题材，绝大多数都系老百姓钟意嘅，包括果滴戏曲人物同埋民间故事之类。最经常出现嘅就系“龙”、“凤 ”、“鲤鱼”、“孔雀”、“四时瓜果”、“福禄寿全”、“和合二仙”、“六国封相”、“唐明皇游月殿”、“嫦娥奔月”、“八仙闹东海”、“赛龙舟”等等。
