纯色剪纸
呢种剪纸嘅剪刻比较简单，一般分成两个步骤，第一步先打稿，第二步系剪刻，呢种剪纸就系通常我地见到嘅单色剪纸。
衬料剪纸
衬料剪纸系从“花钱”嘅装饰绘画演变过黎嘅，用纯色纸，如染色纸、腊光纸、铜箔等作为原料，剪刻出物象嘅一滴线条、骨架，然后系背面衬上色纸。
写料剪纸
呢个系一种绘画同剪纸相结合嘅艺术形式。首先剪刻出物象线条轮廓线，然后再涂上颜色，系佛山就俗称“写色”。写料系佛山剪纸另外一个多彩多姿嘅品种，佢同点色剪纸唔同，佢唔系用染料浸透系纸上面，而系先将花样嘅轮廓剪刻出来，再按画面需要逐一甘用唔透明嘅颜料，比如话石绿、佛青、墨、铅粉等同埋透明颜料，花红、玫红、金鱼黄、芥黄、片绿等色料写成。
铜凿剪纸
呢个系先刻好图案嘅小部分外轮廓之后再用特制嘅小圆珠凿，一滴滴甘系“铜箔”上面按图案凿上圆点线条，组成各种花纹图案或者人物造型，再系上面涂满各种颜色而成嘅剪纸。呢一类剪纸都系用佛山特产“铜箔”生产嘅，令到传统产品大红大绿，色艳谐美，极富装饰性。
佛山剪纸嘅用材亦都系十分丰富，其中必不可少嘅就有纸、刀、垫板等。
纸
除咗有土制毛边纸外，佛山剪纸仲使用咗大量嘅铜箔作为材料，铜衬剪纸同埋铜凿剪纸都系用铜箔整嘅。铜箔系用青铜锻打成比纸仲要薄嘅铜片，尼种手艺亦都系佛山古老手工业入面嘅著名产品之一。制作剪纸嘅铜箔必需系底部裱上毛边纸先可以刻制，甘样可以等刻好之后比较容易甘衬贴各种所需嘅有色纸块。用作铜凿嘅铜箔就唔需要裱纸，而系选一滴比较厚嘅铜箔，，尼种铜箔身够硬，凿起身珠路嘅效果会比薄嘅铜片好。
刀
佛山剪纸刻刀嘅制造材料，一般用弹簧钢，打扁之后先系砂轮粗磨，然之后用滑石研磨。磨刀最好就系用机油作为乳剂，用水磨刀会比较容易生锈。把刀磨好之后，再拿两片削好嘅竹片或者木片用条绳扎好再用。
垫板
